"الناس هتقول عليا أي"
واخد بالك من كلمة الناس..!
يعني معناها رأي الناس أهم من رأي، نظرت الناس أهم من نظرتي أنا، حتي لو كان رأيهم ونظرتهم دي عن حياتك الشخصية إلي أنا بملكها....
أنت هنا قدام إنسان يستمد قيمة نفسه من الآخرين، بمعني أن لو شخص قال عليه حلو يبقا هو شايف نفسه حلو، لو شخص قال عليه وحش يبقا هو وحش...
لو عايز تغير في لبسك، حياتك، نفسك، بتأخد رأيهم مع إن رأيهم ميفرقش معاك في حاجه ولا هيزودك ولا هينقصك..
علمونا من صغرنا إن رأي الناس مهم، نظرتهم لينا مهمة، وجودهم مهم، اتعلمنا ومن إحنا أطفال رضع أننا لم نعيط بنلاقي أهلنا حوالينا، يطمنونا ويهتموا بينا لذلك بنستمد قيمتنا من إلي حوالينا، عشان كدا دا إلي خلانا نكتشف إن من غير وجودهم إحنا لا شئ..
لكن دا مش صحيح، وجودهم أو فرقاهم لا يهم بالنسابلك طوال ما أنت مكمل في مشوار حياتك وبتسعي وبتجاهد عشان نفسك،دي رحلتك أنت رأيك فيها ونظرتك هي الأهم...
أكتر الأمور إلي أضايق المثل إلي بيقول«كل إلي علي مزاجك والبس إلي يعجب الناس» البس علي مزاجهم ليه، هما ملهم أصلا، يعني أنا بحب البس لبس واسع فقوم البس ضيق عشان هما عايزين كدا، شيء غير عقلاني بالمرة، لذللك كل علي مزاجك والبس علي مزاجك، دي حياتك وأنت حر فيهاااا... "
"اوركيدا 🍁"